سلام للعيون الساهرة

بقلم : سهام منصور

امس بالليل الناس كلهم في احتفال رأس السنة
وأنا والشرطة في الشارع هم في حفظ الامن وأنا في حفظ وتغطية مجهوداتهم، ارتكازات الشرطة بولاية البحر الاحمر باشراف رتب عليا عقيد ومقدم ورائد
غايتو امس مافي ضابط شرطة بات في بيتو كلهم كانوا في الميدان
ومدير الشرطة سعادة اللواء دفع الله حايم يتمم عليهم من ارتكاز لي ارتكاز
عشان كدا أنا قلت (سلام للعيون الساهرة) ،اصلا هي الفوضى مابتتحسم الى كدا الحمد لله امس اليوم عدا بسلام ،لكن التمن كان تضحية بلحظات جميلة من عمر كل شرطي كان مفروض يكون في بيتو مع زوجتو واولادو لكن اختار يكون في الشارع عشان امن وامان المواطن
وبرضو التحية لزوجات واولاد كل شرطي هم برضو عندهم تضحية كبيرة ، لأنهم ارتضو غياب الاب والزوج في يوم الاحتفال،
الحس الامني كان عالي جدا والانضابط كان في كل مكان
أنا فضلت اشارك في تغطية اليوم دا بطريقتي الخاصة واضحي زيهم باللحظات الكان ممكن أكون فيها مع الناس البحبهم لاستقبال عام جديد ،
سألني احدهم أنتي علاقتك بالشرطة شنو اكتر شغلك عن الشرطة
قلت ليهو علاقتي بالشرطة (وطن آمن)
وكملنا باقي اليوم ب (أذاعة بلادي) سهرة مع الاعلامي الرائع مجدي العجب شكرا لكل من دعمني في هذا اليوم الاستاذ عز الدين مدير التشغيل بمركز تأشير
واشراف مدير الموارد البشرية استاذة اريج ومتابعة مسؤول الامن والسلامة استاذ حسني
و برعاية خاصة من كابتن عادل المفتي مدير مركز تاشير ،